Lukashenko: Bjellorusia e Rusia duan paqe, Ukraina nuk po negocion

Presidenti i Bjellorusisë, Alexander Lukashenko, ka thënë se Rusia dhe Bjellorusia janë të përgatitura për paqe, por Ukraina duket se nuk dëshiron të negociojë.

“Nëse ata duan që ne të jetojmë në paqe në rajonin tonë – nga sa mund të them që ata duan (ne), duke e parë atë nga përtej oqeanit, të dyja Rusia dhe Bjellorusia janë të përgatitur për të. Nëse ata duan të luftojnë deri në fund, kjo është biznesi i tyre, e drejta e tyre, por…për momentin as unë dhe as shërbimet tona speciale nuk i shohim të gatshëm për të zhvilluar negociatat e duhura”, tha ai.

Në fillim të kësaj jave, presidenti amerikan Joe Biden kishte thënë se ishte i përgatitur të fliste me Presidentin rus, Vladimir Putin nëse ishte i interesuar t’i jepte fund luftës.

Por çdo perspektivë e bisedimeve të paqes u shua shpejt kur Kremlini tha se Perëndimi, si fillim, duhet të njohë aneksimin e deklaruar nga Moska të katër rajoneve të Ukrainës.

Rusia dhe Bjellorusia janë aleatë të ngushtë ekonomikisht dhe ushtarakisht.

Të dy palët diskutuan bashkëpunimin dypalësh ushtarak në bisedimet të shtunën dhe ndryshuan një marrëveshje mbi “sigurimin e përbashkët të sigurisë rajonale”./21Media

Artikuj të ngjashëm

Shikoni Gjithashtu
Close
Back to top button
close button