Malishevë, do të ndihmohen 25 biznese të vogla

Komuna e Malishevës dhe Help-Hilfe zur Selbsthilfe do të ndihmojnë 25 biznese të vogla me mjete pune, me qëllim të përkrahjes për këtë kategori të bizneseve dhe rrjedhimisht me këtë edhe zbutjen e papunësisë, në kuadër të programit për “Fuqizimi Socio-Ekonomik në Ballkanin Perëndimor”.
Për këtë qëllim, sot është zhvilluar një takim në mes nënkryetarit të Komunës së Malishevës, Vesel Krasniqi, drejtorit për Buxhet dhe Financa, Blerim Thaçit dhe përfaqësuesve të Help-Hilfe zur Selbthife, për të diskutuar zhvillimin e këtij projekti të përbashkët.
“Ne si komunë jemi të gatshëm për të bashkëfinancuar në këtë projekt, i cili ka për qëllim të përkrahë përmes granteve, për 25 biznese, me pajisje, dhe bëhet fjalë për biznese të vogla”, ka thënë Krasniqi./21Media

Back to top button