Mbajtja nga autoritetet serbe, Trajkoviq: Kot përpiqeni të relativizoni torturën, flasin provat
Rada Trajkoviq, këshilltarja e ministrit për Komunitete dhe Kthim, Nenad Rashiq, ka publikuar disa fotografi që sipas saj, që dëshmojnë pasojat shëndetësore që ka lënë mbajtja e gjatë nga autoritetet serbe në Merdarë.
Në një postim në Twitter ajo sot ka potencuar se për 24 orë ka mbetur pa ilaçe e ushqim.
“Nëse po flasim për torturat e serbëve nga Kosova, çfarë do të bëjmë me gruan serbe nga Kosova që u mbajt nën qiellin e kthjellët, në mes të dhjetorit, për 24 orë pa asnjë shishe ujë, ushqim dhe ilaçe? Më kot përpiqeni të relativizoni torturën: flasin provat.”, ka shkruar Trajkoviq në Twitter.
Ako ćemo o mučenju Srba sa Kosova, šta ćemo sa Srpkinjom sa Kosova koja je pod vedrim nebom, usred decembra, držana 24h bez flašice vode, hrane i lekova? Uzalud pokušavate da relativizujete torturu: dokazi govore. pic.twitter.com/Qop7dn3CC5
— Rada Trajkovic (@trajkovic_rada) December 23, 2022
Kryetarja e Lëvizjes Evropiane të Serbëve nga Kosova, Rada Trajkoviq, më 15 dhjetor është ndaluar në pikën kufitare në Merdarë. Sipas saj, kësaj radhe ajo është ndaluar nga shërbimi sekret serb, BIA, derisa ka qenë duke u kthyer në Serbi./21Media