Mblidhet Kryesia e LDK-së

Mbledja mbahet sot në ora 14:00

Lidhja Demokratike e Kosovës do të mbajë sot mbledhjen e kryesisë. Kjo parti dje ka njoftuar agjendën e saj për sot ku në ora 14:00 parashihet të mbahet mbledhja e kryesisë.

“Nesër (e martë), më datë 21 janar 2020, në orën 10:30, me rastin e 14-vjetorit të vdekjes së Presidentit Historik Dr. Ibrahim Rugova, anëtarë të Kryesisë bëjnë homazhe te varri i tij. Në orën 10:45 vizitojnë Familjen Rugova. Po ashtu, në orën 12:00, në Hotel “Emerald”, Lidhja Demokratike e Kosovës organizon Akademi Përkujtimore”, thuhet në komunikatën e LDK-së.

Dje, kreu i VV-së, Albin Kurti, pasi ka njoftuar se nuk e pranon ofertën e fundit të LDK-së, këtyre të fundit u ka bërë thirrje për takime të tjera në mënyrë që të arrihet një marrëveshje për bashkëqeverisje./21Media