Mbyllet edhe pika kufitare në Jarinje
(Lajm i përditësuar)
Mbyllet edhe pika kufitare në Jarinje
Sipas faqes së Ministrisë së Punëve të Brendshme të Kosovës, është mbyllur edhe pikëkalimi i dytë kufitar mes Kosovës dhe Serbisë, Jarinje.
Në mëngjesin e së dielës, është mbyllur fillimisht pika kufitare Bërnjak.
Këto dy pika kufitare janë mbyllur disa herë në të kaluarën, në kohën e rritjes së tensioneve mes Kosovës dhe Serbisë.
Mbyllet pika kufitare në Bërnjak
Pika kufitare në Bërnjak është mbyllu për hyrje nga Serbia. Këtë e ka bërë të ditur Qendra Kombëtare për Menaxhim të Kufijve në kuadër të Ministrisë së Punëve të Brendshme.
Mbyllja e kësaj pike vjen pas rritjes së tensioneve në veri të vendit, ku sot në orët e mëngjesit u vra një polic i Kosovës dhe u plagos një tjetër nga grupe kriminale.
Në lidhje me këtë, kanë reaguar liderët e shtetit, ku e kanë dënuar si akt dhe kanë bërë thirrje që kryesit e kësaj vepre të dalin para drejtësisë.
