Mediumi zviceran: Kosova e Serbia takime sekrete në Zvicër

Situata në pjesën veriore të Kosovës, muajin e fundit është përkeqësuar pas suspendimit të drejtorit rajonal të policisë në veri, Nenad Gjuriq, i cili kishte refuzuar që të zbatonte vendimin e Qeverisë për shpërndarjen e fletave qortuese, për shoferët që kanë makina me targa të lëshuara nga Serbia.
Mediumi zviceran, “NZZ am Sonntag” ka raportuar të shtunën se Zvicra është duke ndërmjetësuar në mënyrë sekrete çështjen mes Kosovës dhe Serbisë.
Sipas këtij raportimi, Zvicra po përpiqet të parandalojë që konflikti mes të dy vendeve të përshkallëzohet më tej pas tensioneve të fundit në veri që nisën me dorëheqjen e serbëve nga institucionet e Kosovës në nëntor.
Departamenti Federal i Punëve të Jashtme (FDFA) të Zvicrës ka konfirmuar për “NZZ am Sonntag” se ka pritur përfaqësuesit kosovarë e serbë në Zvicër në mes të nëntorit.