Miftaraj: Legjislatura e dhjetë duhet të njihet si Legjislatura Karate

Drejtori i Institutit të Kosovës për Drejtësi, Ehat Miftaraj, ka thënë se  legjislatura e dhjetë e Kuvendit, e cila u shpërnda në mesnatë, duhet të njihet si “Legjislatura Karate”.

Sipas tij  deputeti i LVV-së, Naim Bardiqi, i cili u kap duke i shkruar dikujt në telefon se po e zgjidhnin Presidentin “karate” ka lënë “trashëgimi diçka”.

“Legjislatura e dhjetë në historinë e parlamentarizmit në Kosovë duhet të njihet ndryshe dhe si Legjislatura Karate”.

“Naim Bardiqi mbase nuk do të njihet për ndonjë punë të mirë si deputet i Legjislaturës Karate por së paku ka lënë trashëgimi diçka, na tregoi se si mund të zgjidhet Presidenti i Republikës Karate dhe si publiku dhe gazetaret nuk ia respektuan privatësinë në një vend publik i rrethuar me kamera ne seance plenare”, shkroi ai në një postim në Facebook.