Mot me diell, pasdite riga shiu dhe shkarkime rrufesh

Instituti Hidrometeorologjik i Kosovës ka njoftuar se sot do të mbajë mot me diell, ndërsa gjatë pjesës së dytë të ditës, ka mundësi që vende-vende të shoqërohen me riga shiu dhe shkarkime rrufesh.
Temperaturat minimale do të lëvizin ndërmjet 14-17 gradë celsius, ndërsa maksimalet e ditës parashihen të lëvizin ndërmjet 29-34 gradë celsius.
Situata biometeorologjike vazhdon të jetë jostabile për shkak të indeksit të lartë UV.
Këshillohet të shmanget kontakti direkt me rrezet e diellit, aktiviteteve fizike, sepse kjo situatë meteorologjike ndikon negativisht te shumë persona me sëmundje kronike me hipertension, ostmatikët, diabetikët por dhe te të moshuarit./21Media