Moti i keq i shoqëruar me tornado lë 14 të vdekur

Sipas shërbimit Kombëtar Meteologjik ishin formuar katër tornado

Moti i keq i shoqëruar shpeshherë nga tornado ka lënë këtë fundjavë të paktën 14 të vdekur në jug dhe në qendër të SHBA, sipas autoriteteve amerikane.

Shtëpi të shkatërruara, makina të përmbysura, pemë të thyera… Në Teksas, shërbimi Kombëtar Meteologjik numëroi së paku formimin e katër tornadove për shkak të motit të keq. Në qytetin Canton, moti i keq shënoi katër të vdekur, sipas bashkisë.

Në Arkansas u raportuan pesë të vdekur, njoftuan për median shërbimet e emergjencës ndërsa një bilanc me dy të vdekur u konfirmua në Misisipi, përfshirë një fëmijë të mbytur.

Reshjet e shumta të shiut shkaktuan dy viktima në Misuri, ku sipas televizionit CNN një grua e moshës 72 vjeç u bllokua në makinën e saj nga rritja e menjëhershme e nivelit të ujit.

Artikuj të ngjashëm

Back to top button
close button