MPB: I rrejshëm lajmi se ka pasur të shtëna në Hasanbeg

 

Ministria e Punëve të Brendshme e përgënjeshtron lajmin se mbrëmë ka pasur të shtëna në lagjen Hasanbeg të Shkupit.

Në kumtesën e MPB-së, thuhet se bëhet fjalë për aksident dhe jo për të shtëna.

“Një pjesë e portaleve, sonte po përhapin lajme të rrejshme për gjoja të shtëna në lagjen Hasanbeg dhe madje i paraqesin më shumë të vrarë. MPB u bën apel qytetarëve që të mos bien pre e kurdisjeve të tilla dhe të mos u besojnë gënjeshtrave të cilat i plasojnë këto portale, por të informohen nga mediat profesionale, të cilat publikojnë informacione të verifikuara”, thuhet në kumtesën e MPB-së./TV21