Ndahen komisionet parlamentare, PDK-së i takojnë tri
Osmani: Duhet votim për zvogëlimin e komisioneve
Kryetarja e Kuvendit të Kosovës, Vjosa Osmani, ka bërë të ditur se të enjten në seancën e radhës do të formohen 14 Komisione Parlamentare.
Nga këto 14, Osmani tha se është vendosur që Partisë Demokratike të Kosovës, si partia më e madhe opozitare, t’i takojë e drejta e udhëheqjes me tri komisione.
Për zvogëlimin nga 16 në 14 komisione, Osmani ka thënë se duhet votim me 2/3 e deputetëve.
Këto janë komisionet dhe partitë që do t’i udhëheqin:
Komisioni për Punë të Jashtme dhe Diasporë – AAK
Komisioni për Integrim Evropian- LDK
Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsion – LDK
Komisioni për Arsim, Shkencë, Teknologji, Inovacion, Kulturë, Rini dhe Sport – LDK
Komisioni për Buxhet dhe Financa – VV
Komisioni për qeverisje lokale, zhvillim rajonal dhe media- PDK
Komisioni për Ekonomi, Punësim, Tregti, Industri, Ndërmarrësi dhe Investime strategjike – NISMA
Komisioni për çështje të Sigurisë dhe Mbrojtjes -VV
Komisioni për Shëndetësi dhe Mirëqenie Sociale- AAK
Komisioni për Bujqësi, Pylltari, Zhvillim Rural, Infrastrukturë dhe Mjedis – VV
Komisioni për të Drejtat dhe Interesat e komuniteteve – Lista Serbe
Komisioni për të Drejtat e njeriut, barazi gjinore, persona të pagjetur dhe peticione – Grupi parlamentar 6+
Komisioni për mbikëqyrjen e financave publike – PDK
Komisioni për mbikëqyrjen e Agjencisë së Kosovës për Inteligjencë – PDK./21Media