Netanjahu:”Hamas u kthye pas në kohë”

Bombardimi nëntë ditor i Gazës nga Izraeli ka “kthyer Hamasin për shumë vite”, ka thënë Kryeministri izraelit Benjamin Netanyahu.

Dy punëtorë të huaj të fermave u vranë sot nga raketat e hedhura nga militantët palestinezë në Izraelin e Jugut.

Izraeli vazhdoi sulmet e tij ajrore në Gaza. Në Bregun Perëndimor, të paktën tre palestinezë u vranë nga policia izraelite gjatë protestave pranë Ramallah.

Përpjekjet diplomatike për t’i dhënë fund dhunës kanë patur pak sukses.

Franca ka paraqitur një projekt-rezolutë në Këshillin e Sigurimit të KB, në bashkërendim me Egjiptin dhe Jordaninë, duke kërkuar një armëpushim.

Më herët të martën, Izraeli hapi për pak kohë një kalim kufitar në Gaza për të lejuar një autokolonë të ndihmave të hynte. Sidoqoftë, vendkalimi u mbyll përsëri pasi u sulmua nga mortaja dhe raketa palestineze.

Çfarë tha Netanyahu?
Z. Netanyahu tha se Hamasit, grupit militant palestinez që drejton Gazën, i janë dhënë “goditje të papritura” dhe se operacionet do të “vazhdojnë për aq kohë sa duhet për të rivendosur qetësinë” për të gjithë qytetarët izraelitë.

Të paktën 215 njerëz, ne mesin e tyre 100 gra dhe fëmijë, janë vrarë deri më tani në Gaza, sipas ministrisë së saj të shëndetësisë.

Në Izrael 12 njerëz, përfshirë dy fëmijë, janë vrarë, thotë shërbimi i tij mjekësor.

Të martën Izraeli tha të paktën se 150 militantë ishin midis atyre që u vranë në Gaza. Hamas nuk jep shifra të viktimave për luftëtarët.

Çfarë ndodhi në Bregun Perëndimor?
Shumë palestinezë në Bregun Perëndimor të okupuar dhe Jeruzalemin Lindor morën pjesë në një grevë të përgjithshme për të protestuar ndaj bombardimeve izraelite të Gazës. Zona brenda Izraelit me një shumicë arabe izraelite, të tilla si Haifa, gjithashtu u bashkuan me grevën.

Siç njogton BBC, shërbimet publike, shkollat ​​dhe shumë biznese u mbyllën./E.D- 21Media