Nga sot qytetarët mbi 40 vjeç mund të aplikojnë për vaksinë
Ministria e Shëndetësisë ka njoftuar se nga sot për marrje të vaksinës kundër COVID 19, përmes platformës e-Kosova termine mund të caktojë edhe kategoria e qytetarëve të moshës mbi 40 vjeç.
Në të njëjtën kohë termine mund të caktojnë edhe kategoritë të cilat më herët janë përfshirë në procesin e vaksinimit kundër COVID-19.
Këto kategori janë:
– Personat me sëmundje kronike pa dallim moshe (me dëshmi mjekësore);
– Qytetarët që i takojnë ndonjërit nga profesionet si: Punëtorë shëndetësorë; Mësimdhënës, Forcat e sigurisë (Policia dhe FSK), pjesëtarët e Këshillit të Sigurisë së Kosovës; pjesëtarët e Agjencisë së Kosovës për Inteligjencë, pjesëtarët e Autoritetit Civil të Kosovës, zjarrfikësit;
– Qytetarët të cilëve u kërkohet vaksinimi nga Ambasadat për udhëtim jashtë vendit (për çështje të vizave).
– Zyrtarët publikë;
– Zyrtarët e Agjencionit të Aviacionit;
– Agjencia Shtetërore e Navigimit Ajror;
– Aeroporti Ndërkombëtar i Prishtinës “Adem Jashari”;
– Zyrtarët doganorë;
– Gazetarët;
– Gastronomia-dëshmi kontrata e punës./21Media
Dëshiron ta dëgjosh këtë lajm me zë?