Nis votimi i anëtarëve të VV-së për marrëveshjen me LDK-në

Do të votojnë rreth 30 mijë aktivistë

Komisioni i Përgjithshëm Zgjedhor i Lëvizjes Vetëvendosje, konform statutit të saj, ka nisur referendumin për marrëveshjen me LDK-në, për formimin e Qeverisë.

Marrëveshjet qeveritare sipas nenit 28 të statutit të VV-së parashihen që të vendosen me anë të demokracisë së drejtpërdrejtë, me parimin një aktivist një votë.

Ky referendum do të përfshijë të gjithë aktivistët, të organizuar në të gjitha qendrat e VV-së, ku të drejt vote kanë rreth 30 mijë aktivistë.

Rezultatet e këtij referendumi pritet të bëhen publike sonte në orën 19:00.