Një fëmijë 22 muajsh në mesin e të lënduarve të sulmit me thikë
(lajmi i përditësuar)
Një fëmijë 22 muajsh në mesin e viktimave të sulmit me thikë
Një fëmijë 22 muajsh ishte në mesin e të lënduarve të një sulmi me thikë në një shesh lojërash në Annecy, Francë. Po ashtu në mesin e të lënduarve është edhe një fëmijë britanik ishte një nga katër fëmijët e plagosur, thotë Sekretari i Jashtëm i Mbretërisë së Bashkuar, James Cleverly
Dy të rritur gjithashtu u lënduan, thonë autoritetet franceze
Sulmuesi, i cili u qëllua dhe më pas u arrestua, është një burrë sirian 31 vjeç me status refugjati në Suedi.
Ai nuk ka lidhje të njohura me grupet islamike, thotë policia
Ish-futbollisti i Liverpool, Anthony Le Tallec thotë se ai ishte dëshmitar i sulmit me thikë ndaj një burri të moshuar përpara se të qëllohej nga policia.
Gjashtë fëmijë të moshës trevjeçare në mesin e të lënduarve nga një sulm me thikë në Francë
Gjashtë fëmijë dhe një i rritur janë goditur me thikë në një sulm në një park pranë liqenit Annecy, në juglindje të Francës, ka njoftuar ministri i Brendshëm francez, Gerald Darmanin.
Mediat lokale raportuan se viktimat ishin rreth moshës trevjeç. Dy prej tyre thuhet të jenë në gjendje të rëndë shëndetësore.
Darmanin konfirmoi se autori është arrestuar nga policia. Ende nuk ka raportime për viktima, raporton BBC, përcjell rtv21.tv.
Sipas identitetit të deklaruar nga sulmuesi, ai është me kombësi siriane, azilkërkues dhe i panjohur në të gjitha dosjet, tha një burim policor për AFP.
Deputeti rajonal Antoine Armand e përshkroi sulmin si “të neveritshëm” dhe tha se autoritetet po hetonin.
Kryeministrja franceze, Élisabeth Borne, është nisur për në vendngjarje.
Asambleja Kombëtare e Francës ka mbajtur një minutë heshtje dhe rrugët janë të bllokuara rreth skenës së sulmit. /21Media