Një i vdekur, 18 raste të reja me Covid-19
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës ka informuar se gjatë 24 orëve të fundit ka vdekur një person që ka qenë i prekur me Covid-19, janë konfirmuar edhe 18 raste të reja, ndërsa janë shëruar nga Covid-19 edhe 14 persona.
Sipas ministrisë, personi i vdekur gjatë 24 orëve të fundit ka qenë një grua nga Peja.
Ndërsa, në total numri i rasteve aktive është 165.
“Në 24 orët e fundit janë dhënë 6.595 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 141.008 doza të vaksinës.”, ka informuar ministria.
Ndërkaq, deri më sot 20.701 qytetarë janë vaksinuar me dozën e dytë./21Media