Një republikan fiton garën për guvernator të Virxhinias

Republikani, Glenn Youngkin, do të zgjidhet si guvernator i ardhshëm i Virxhinias në Shtetet e Bashkuara, sipas parashikimeve të mediave.
Ai ishte 2.1 pikë përpara demokratit Terry McAuliffe, me 99% të votave të numëruara.
McAuliffe shërbeu si guvernator nga 2014-18, transmeton rtv21.tv.
Votimi është parë gjerësisht si një referendum për presidencën e Joe Biden dhe humbja do të nervozojë demokratët.
Biden fitoi lehtësisht në Virxhinia në zgjedhjet presidenciale vetëm një vit më parë.
Guvernatori aktual demokrat i shtetit, Ralph Northam, nuk ishte në gjendje të kandidonte për rizgjedhje pasi Virxhinia nuk i lejon guvernatorët të shërbejnë mandate të njëpasnjëshme në detyrë./21Media

Back to top button