OKB bën thirrje për shmangien e krizës

Këto thirrje u bën në bisedimet e Qipros

I dërguari i OKB-së për Qipron, Espen Barth Eide bëri thirrje për qetësi për të shmangur një krizë tjetër në bisedimet për ribashkimin e ishullit.

“Nuk është sekret që një mjedis i vështirë ekziston aktualisht në bisedimet për ribashkimin e ishullit mesdhetar, në nivel kombëtar dhe ndërkombëtar”, deklaroi Espen Barth Eide për media pasi u takua me presidentin qipriot grek, Nicos Anastasiades.

Anastasiades takoi sot Mustafa Akinci, drejtues i Republikës turke të Qipros së Veriut.

Dy zyrtarët rifilluan në maj 2015 bisedimet për ribashkimin e Qipros së ndarë që prej pushtimit në vitin 1974 nga trupat turke, në përgjigje të një grushti shteti që parashikonte bashkimin e vendit me Greqinë.