OKB: Të paktën 136 të vdekur në Ukrainë, në mesin e tyre edhe 13 fëmijë

Kombet e Bashkuara OKB thonë se të paktën 136 civilë janë vrarë që nga fillimi i pushtimit rus në Ukrainë të enjten e kaluar.
Trembëdhjetë fëmijë besohet të jenë në mesin e të vdekurve.
Por, Liz Throssell, një zëdhënëse e Komisionerit të Lartë të OKB-së për të Drejtat e Njeriut, tha se numri i vërtetë i vdekjeve ka të ngjarë të jetë shumë më i lartë, transmeton rtv21.tv.
Throssell tha se shumica e viktimave erdhën si rezultat i granatimeve të rënda të artilerisë, sulmeve ajrore dhe eksplozivëve të tjerë me ndikim të gjerë.
OKB tha gjithashtu se rreth 400 njerëz janë plagosur në luftimet deri tani.
Megjithatë, shifrat e publikuara nga qeveria e Ukrainës sugjerojnë se deri në 352 civilë janë vrarë dhe 1 mijë e 684 janë plagosur./21Media