Operacioni doganor ndërkombëtar “Kladius” parandaloi kontrabandën me duhan

Oficerët doganor kanë arritur të parandalojnë një rast të tentim kontrabandës me duhan përmes automjetit të udhëtareve të ardhur nga Shqipëria.

Dogana ka njoftuar se kuadër të operacionit ndërkombëtar “KLADIUS” ku janë duke marr pjesë Doganat e Ballkanit perëndimor ka gjetur rezultatet e para në luftën kundër kontrabandës.

“Sot njësit e Doganës pjesëmarrëse në operacion kanë ndaluar një automjet që vinte nga Republika e Shqipërisë ku gjatë kontrollit janë gjetur një sasi e duhanit e përpunuar e fshehur në automjetin e udhëtareve e cila gjithashtu ishe e gatshme për shitje të mëtejme. Mallrat janë konfiskuar dhe ndaj personit përgjegjës ka filluar procedura kundërvajtëse”, thuhet në njoftim.

Sipas këtij njoftimi operacioni “KLAUDIUS” fokusohet në parandalimin e lëvizjeve të mallrave të paligjshme nëpërmjet rrugëve brenda Ballkanit Perëndimor përmes intensifikimit të kontrolleve në pikat e kalimit me rrezik të lartë në të gjithë rajonin si dhe shkëmbimit e informacionit në kohë reale ndërmjet administratave doganore.

“Ky operacion ndërkombëtar do të zgjat rreth 5 ditë dhe Dogana e Kosovës arriti rezultatet e para”, thuhet në njoftim.

Back to top button