Osmani: Kosova tregoi se është aleate e vërtetë e NATO-s

Presidentja Vjosa Osmani, ka pritur sot në takim komandantin e Forcave të Përbashkëta Aleate të NATO-s në Napoli, admiralin Robert P. Burke.
Admirali Burke shprehu mirënjohje dhe falënderim për gatishmërinë e Kosovës për t’i strehuar qytetarët nga Afganistani.
Ndërkaq presidentja tha se duke e njohur dhimbjen e popullit afgan, Kosova ka hapur dyert dhe zemrat.
“Ky akt nga institucionet e Kosovës është shembull që tregon se cilët janë aleatët e vërtetë të NATO -s në rajon. Synim i joni është që edhe Kosova të bëhet anëtare e kësaj aleance ushtarake në një të ardhme”, tha Osmani.
Sipas saj, populli i Kosovës 22 vjet më parë u ndihmua nga NATO-ja dhe në këtë kontekst përmendi përparimin domethënës të shtetit për stabilitet dhe paqe në rajon./21Media

Back to top button