Osmani për Srebrenicën: Kujtojmë 8 mijë e 372 djem dhe burra të vrarë pa mëshirë

Presidentja e Kosovës, Vjosa Osmani ka kujtuar 8,372 djem dhe burra boshnjakë të vrarë nga forcat serbe.
Në 27-vjetorin e gjenocidit në Srebrenicë, Osmani ka thënë se duhet të bashkohemi kundër përpjekjeve të atyre që e mohojnë këtë mizori.
“Sot, zemrat tona janë me të dashurit e tyre. Ne të gjithë duhet të jemi të bashkuar kundër përpjekjeve për të lavdëruar ose mohuar këto mizori të tmerrshme”, ka shkruar Osmani në Twitter.

27 years after the #SrebrenicaGenocide, we remember the 8,372 Bosniak boys & men mercilessly murdered by Serb forces.

Today, our hearts are with their loved ones. We must all stand united against attempts to glorify or deny these heinous atrocities. pic.twitter.com/ajcV8sIZRk
— Vjosa Osmani (@VjosaOsmaniPRKS) July 11, 2022

Më 11 korrik 1995, forcat serbe të Bosnjës vranë mbi 8 mijë e 300 burra paarmatosur.
Edhe pas më shumë se dy dekada pas vrasjeve, ende vazhdojnë të gjenden varre masive. Identifikimi i viktimave është i vështirë, pasi trupat ishin copëtuar nga ekskavatorët që i hidhnin në varre.
Eshtrat e 50 viktimave, të gjetura së voni, do të varrosen në Qendrën Përkujtimore Potoçari – aty ku ndodhen varret e mbi 6,670 viktimave të tjera./21Media