”Pa vend” në Kanë, ndër premierat me të rëndësishme për Kosovën

Filmi ”Pa vend” nga Samir Karahoda shfaqi në Kanë ndër premierat më të rëndësishme të filmit kosovar deri tani. Filmi u shfaq në kuadër të kategorisë kryesore të filmave të shkurtë dhe garon për ”Palmën e Artë”.
Qendra Kinematgrafike e Kosovës ka bërë të ditur se prezent në premierë ishte edhe Kryeministri, Albin Kurti i cili ka shkuar në Kanë për t’i mbështetur dy filmat e parë të prodhuar nga Kosova “Pa vend” dhe “Luaneshat e Kodrës”dhe në bashkëprodhim me Kosovën që shfaqin premierat në festivalin më të rëndësishëm të filmit në botë.
”Filmi ”Pa vend” i zhanrit docu-fiction përcjellë përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve. Ekipi i filmit përbëhet nga: Regjia dhe Kinematografia: Samir Karahoda: Producent: Eroll Bilibani: Montazhi: Enis Saraçi: Dizajner zëri: Memli Kelmendi: Xhirues Zëri: Gëzim Rama: Protagonistët kryesor: Jeton Mazreku, Ermegan Kazazi dhe Rifat Rifati”, thuhet në postimin e QKK-së./21Media