Pamje nga momenti i rrëzimit të aeroplanit, ku humbën jetën 68 persona

(Lajm i përditësuar)
Dhjetëra njerëz janë vrarë pasi një aeroplan me 72 persona në bord u rrëzua pranë një aeroporti në Nepalin qendror.
Avioni i Yeti Airlines nga Katmandu për në qytetin turistik të Pokhara u rrëzua në ulje përpara se të merrte flakë.
Videot e postuara në mediat sociale tregojnë një avion që fluturon ulët mbi një zonë të populluar përpara se të bjerë në tokë.
Të paktën 68 persona janë konfirmuar se kanë vdekur, thanë zyrtarët. Disa të mbijetuar të lënduar rëndë u dërguan në spital.

12:34 – Të paktën 64 të vdekur nga rrëzimi i aeroplanit
Të paktën 64 persona janë konfirmuar se kanë vdekur. Disa të mbijetuar të lënduar rëndë u dërguan në spital pasi një aeroplan me 72 persona në bord është rrëzuar pranë një aeroporti në Nepalin qendror.
Banorja vendase Deeveta Kal i tha BBC-së se si ajo nxitoi në vendin e rrëzimit pasi pa avionin të rrëzohej nga qielli pak pas orës 11:00 me kohën lokale.
 
09:35 – Shkon në 40 numri i viktimave nga rrëzimi i aeroplanit
Një aeroplan me 72 persona në bord është rrëzuar pranë një aeroporti në Nepalin qendror dhe të paktën 40 trupa janë gjetur, thonë zyrtarët.
Videot e postuara në mediat sociale tregojnë një avion që fluturon ulët mbi një zonë të populluar përpara se të rrotullohet ashpër.
Në bord kishte 68 pasagjerë, përfshirë të paktën 15 shtetas të huaj dhe katër anëtarë të ekuipazhit.
Nga pasagjerët, 53 thuhet se janë nepalezë,  pesë indianë, katër rusë dhe dy koreanë. Kishte gjithashtu nga një pasagjer nga Irlanda, Australia, Argjentina dhe Franca./21Media

 
07:45 – Rrëzohet një aeroplan, të paktën 16 të vdekur
Një aeroplan me 72 persona në bord është rrëzuar në aeroportin Pokhara në Nepalin qendror dhe 16 trupa janë gjetur, thonë zyrtarët.
Avioni i “Yeti Airlines” po fluturonte nga Katmandu në Pokhara dhe u rrëzua në ulje, duke marrë flakë.
“Në bord kishte 68 pasagjerë dhe katër anëtarë të ekuipazhit”, tha një zëdhënës i linjës ajrore.
Ushtarët nepalezë janë angazhuar në vendin e rrëzimit pranë aeroportit të qytetit turistik./21Media