Panairi “HANNOVER MESSE 2024”, aktivizimi i një industrie të qëndrueshme
Nga data 22 e deri më 26 prill të këtij viti në Hanover të Gjermanisë mbahet panairi më i madh dhe më i rëndësishëm i tregtisë industriale në botë “HANNOVER MESSE 2024”. Kompani nga inxhinieria mekanike, industria elektrike dhe dixhitale dhe industria e energjisë do të paraqesin së bashku zgjidhje për një industri me performancë të lartë dhe të qëndrueshme. Më shumë se 4000 kompani veprojnë si një ekosistem industrial i lidhur në rrjet dhe tregojnë se si mund të arrihet neutraliteti i klimës përmes elektrifikimit, dixhitalizimit dhe automatizimit.
Dy muaj para hapjes së këtij panairi në konferencën për media të organiziar nga Hannover Messe e ne te cilen moren pjese media nga e gjithe bota si dhe ekspozues të ketij panairi u shpalosen disa nga inovacionet të cilat i presin vizitoret e ketij eventi ne prill.
Norvegjia partneri zyrtar i panairit të sivjetmë
Norvegjia është partnerja zyrtare e HANNOVER MESSE 2024. Ky vend i cili kryeson në tranzicicionin e industriusë së gjelbër do të prezantojë produkte dhe zgjidhje nga industritë më të avancuara, duke përfshirë hidrogjenin, bateritë dhe Intelegjencen Artificiale. Ministri i Tregtisë dhe Industrisë se Norvegjiste Jan Christian Vestre tha se vendi i tij është i nderuar të jetë partner i ketij eventi. ‘Forca punëtore shumë e aftë e Norvegjisë, industria e përparuar dhe teknologjia e energjisë, si dhe shkalla e lartë e besimit dhe stabilitetit, na bëjnë një partner kyç në ndryshimin e gjelbër dhe një nga vendet më tërheqëse në botë për biznes. Ne jemi të emocionuar të shfaqim mënyrën norvegjeze të të bërit biznes dhe të nxjerrim në pah atë që Norvegjia ka për të ofruar tha ministri i Tregtisë dhe Industrisë i Norvegjise, Jan Christian Vestre. Ai vleresoi se Norvegjia dhe Gjermania janë partnerë kryesorë tregtarë dhe kane hyrë në një partneritet strategjik industrial për energjinë e rinovueshme dhe industrinë e gjelbër.
Inteligjenca Artificiale (AI) Çeles për për një industri konkurruese
Rritja e konkurrencës, mbrojtja e klimës, promovimi i prosperitetit- këto janë detyrat kryesore me të cilat përballet industria sot. Teknologjitë inovative janë çelësi për të zotëruar këto sfida. Por si mund të përdorin kompanitë me efikasitet automatizimin, inteligjencën artificiale, energjitë e rinovueshme dhe hidrogjenin? Dhe çfarë hapash mund të ndërmerren për të kundërshtuar de-industrializimin e afërt të Evropës? HANNOVER MESSE 2024 do të japë përgjigje.
Dr. Jochen Köckler, CEO i Deutsche Messe AG, duke përshkruar mjedisin në të cilin zhvillohet HANNOVER MESSE i këtij viti tha se tensionet gjeopolitike, ndryshimet klimatike, rritja stagnuese, çmimet e larta të energjisë dhe mungesa e punëtorëve të kualifikuar nënkuptojnë se disiplina e kostos dhe efikasiteti janë aktualisht temat mbizotëruese në kompani. Ai tha se në të njëjtën kohë, inteligjenca artificiale po çon në ndryshime të thella në botën e punës në industri. Përveç kësaj, liderët e biznesit dhe shoqatat tregtare po paralajmërojnë për një de-industrializim të Evropës vuri ne dukje Kockler.
“HANNOVER MESSE është më i rëndësishëm se kurrë këtë vit, sepse mjedisi ekonomik rrallëherë ka qenë kaq i paqëndrueshëm. Në Hannover, teknologjitë dhe zgjidhjet do të prezantohen për t’i mundësuar industrisë të prodhojë mbi një bazë konkurruese dhe të qëndrueshme. Panairi do të jetë i gjithi rreth prodhimit inteligjent dhe neutral ndaj karbonit, inteligjencës artificiale, hidrogjenit dhe zgjidhjeve të energjisë ndërsektorale. Për kompanitë evropiane në veçanti, HANNOVER MESSE do të krijojë kështu një mburojë kundër de-industrializimit të afërt të Evropës”, thotë Köckler. Ai tha poshtu se ekspozuesit do të tregojnë se prodhimi industrial konkurrues është i mundur në Evropë megjithese sic tha ai kjo do të kërkojë një kuadër rregullator që promovon inovacionin dhe sipërmarrjen.
Kompanitë ekspozuese përfshijnë gjigantë të teknologjisë globale si Accenture, AWS, Bosch, DELL Technologies, Google, Microsoft, SAP, ServiceNow, Schneider Electric si dhe kompani te tjera dhe mbi 300 startupe industriale.
Inteligjenca artificiale: Niveli tjetër i dixhitalizimit industrial
Për më shumë se një dekadë, HANNOVER MESSE është panairi më i rëndësishëm tregtar për dixhitalizimin e industrisë. Inteligjenca artificiale tani po e çon dixhitalizimin industrial në një nivel tjetër duke revolucionarizuar industrinë, duke i bërë proceset më efikase dhe duke shtuar vlerë. Duke përdorur AI, kompanitë do të jenë në gjendje të shkurtojnë kohën e zhvillimit duke kursyer burime dhe energji. “Shpejtësia me të cilën zgjidhjet e AI po gjejnë rrugën e tyre në industri është befasuese. Kompanitë duhet të investojnë tani dhe mbi të gjitha t’i njohin punonjësit e tyre me mundësitë që ofron AI, përndryshe ata do të mbeten prapa nga konkurrenca thane drejtuesit e ketij panairi.”
Aplikacione specifike do të shfaqen në HANNOVER MESSE: robotë që mund të kontrollohen me zë, makina që njohin automatikisht defektet; ose sisteme që shkurtojnë kohën e ndërprerjes nëpërmjet mirëmbajtjes parashikuese. Në të ardhmen e afërt, AI gjeneruese do të jetë në gjendje të projektojë makina. Kjo do të çojë në ndryshime thelbësore në profilet e punës së inxhinierëve – një temë që do të diskutohet gjithashtu në HANNOVER MESSE./RTV21
