Aurora dhe Kushtrimi bëjnë “lëmsh” rrjetin, dyshja shfaqen krah njëri-tjetrit në postimin e fundit
Ah, jeta pas Big Brother-it… sa e bukur, aq edhe e dyshimtë!
Me sa duket, dritat e reality show-t janë fikur, por dëshira për të qenë në qendër të vëmendjes nuk shuhet kurrë. Këtë herë, ata që kanë trazuar rrjetin janë Aurora Rrusa dhe Kushtrim Kelani.
Dyshja e edicionit të sivjetmë ka publikuar disa fotografi mjaft të afërta në Instagram, duke pozuar si një çift i vërtetë. Madje, në një prej pozave, Kushtrimi nuk ka ngurruar t’ia vendosë dorën në bel Aurorës, duke bërë që fansat të shpërthejnë në urime për një romancë të re.
Por, pyetja që na lind të gjithëve është: A ka lindur vërtet dashuria mes tyre, apo është thjesht një tjetër skenaristë e menduar mirë sa për t’u përfolur nëpër portale? Komentet kanë vluar, ku nuk kanë munguar as reagimet e ish-banorëve të tjerë që ndoshta i njohin pak më mirë se ne lojërat e tyre.
Mbetet të shihet nëse kjo dorë në bel do të zgjasë, apo do të zhduket sapo të bien klikimet!”/21Media
Dëshiron ta dëgjosh këtë lajm me zë?