Papa Françesku:“Nëna…” s’mund të jetë emri për bombën

Ai tha se është turpëruar kur e ka dëgjuar emërtimin e bombës

Papa Françesku kritikoi të shtunën emërtimin e bombës më të madhe jo nukleare të ushtrisë amerikane “nëna e të gjitha bombave”, duke thënë se fjala “nënë” nuk duhet të vihet në lidhje me armën vdekjeprurëse.

Forcat ajrore amerikane kanë hedhur një bombë të tillë në pozitat e Shtetit Islam në lindje të Afganistanit, muajin e kaluar.

“Jam turpëruar kur kam dëgjuar emërtimin”, tha Papa gjatë një pritjeje për studentë, transmeton Reuters. “Nëna jep jetë, kurse kjo jep vdekje dhe ne për këtë e quajmë nënë. Për çfarë bëhet fjalë?”, ka shtuar ai.

Papa Françesku pritet të takohet me presidentin amerikan, Donald Trump më 24 maj.