Paralajmërimet për mungesë të rrymës gjatë dimrit

Krasniqi: Biznesi mund të shkojë në kolaps
E derisa qytetarët po bëjnë përpjekje të sigurojnë drutë për dimër edhe bizneset thonë se telashet me energji elektrike mund të ndikojnë në punën e tyre gjatë dimrit. Kryetari i Dhomës së Tregtisë dhe Industrisë në Kosovë, Skënder Krasniqi, tha se reduktimet e gjata gjatë dimrit të ardhshëm, mund çojnë bizneset në falimentim dhe mbyllje të mijëra vendeve të punës. Tha se ka kërkuar të dhëna zyrtare nga qeveria dhe distributori KEDS për përgatitjet e furnizimit me rrymë gjatë dimrit.