Pas kërkesës për përfaqësues të Kosovës për kontakt me Hagën?

Njohës të fushës mendojnë se kjo do të ndihmonte në efikasitetin e procedurës
Tani kur po afrohet gjykimi i drejtuesve të Ushtrisë Çlirimtare të Kosovës Hashim Thaçit, Kadri Veselit, Jakup Krasniqit dhe Rexhep Selimit në Hagë, mbrojtja e Kadri Veselit kërkoi caktimin e një përfaqësuesi të Qeverisë së Kosovës që do të shërbente si pikë kontakti me Hagën për të përshpejtuar kërkesat e mbrojtjes për ndihmë dhe informacion. Për këtë ende nuk ka përgjigje të Qeverisë së Kosovës. Njohës të fushës mendojnë se kjo do të ndihmonte në efikasitetin e procedurës.