Peci thotë se Osmani po kërcënohet me jetë

 

 

U.d e presidentit, Vjosa Osmani është kërcënuar përmes një komenti në rrjetet sociale, kështu ka bërë të ditur këshilltari i saj, Faton Peci.

“Fushata e egër kundrejt u.d. Presidentes ka që një kohe te gjate që po përcillet edhe me kërcënime me jetë. Të gjithë ata që po tentojnë t`i drejtojnë shtizat kah ajo, në fakt po i kthejnë kah vetja”, ka shkruar ndër tjera Peci në Facebook.

Në fotografitë që i ka bashkangjitur Peci në postim Osmani kërcënohet me fjalët “Trutë në tokë t’i kisha qit”.

Peci ka thënë se Osmani nuk i frikësohet kërcënimeve “Zonja Osmani për qytetarin e thjeshtë është personifikim i guximit e konsistencës, ndaj çfarëdo përpjekje për ta frikësuar apo kërcënuar është e kotë”.

 

Rasti nuk dihet nëse është paraqitur në polici. Portali rtv21.tv këtë pyetje ia ka drejtuar Pecit por, edhe policisë megjithatë ende nuk ka marrë përgjigje./21Media