Përfshihet nga zjarri një banesë në Fushë Kosovë, lëndohet një grua

1 min read

 

Një banesë ka marrë flakë sot në rrugën “Besa Besë” në Fushë Kosovë. Si pasojë një grua është lënduar dhe e njëjta është dërguar për trajtim mjekësor.

Rastin për 21Media e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 16:00, policia është njoftuar për një zjarr në një banesë, në rrugën “Besa Besë” në Fushë Kosovë. Bazuar në të dhënat nga vendi i ngjarjes, një person (femër), është lënduar, dhe e njëjta është dërguar për trajtim mjekësor”, ka njoftuar Ahmeti.

Zjarri është lokalizuar nga ana e zjarrfikësve, ndërkohë që policia ka nisur një hetim për sqarimin e rrethanave dhe shkaqeve të këtij rasti./21Media