Përfundon e qetë protesta e serbëve në veri
(Lajm i përditësuar)
Ka përfunduar protesta e punonjësve të komunës paralele të Mitrovicës së Veriut.
Zëvendësdrejtori për veriun, Veton Elshani për portalin rtv21.tv tha se pas 30 minutash protesta e tyre ka përfunduar dhe janë shpërndarë.
“Ka qenë edhe sot një turmë e njerëzve prej mbi 100 veta prapa stacionit të autobusëve dhe rreth 20 të tjerë te Komuna e re e Mitrovicës”, tha Elshani për rtv21.tv.
Është dita e dytë që këta punëtorë kanë tentuar të kthehen në zyra, por nuk janë lejuar nga Policia e Kosovës.
Protestojnë sërish punonjësit e strukturave paralele në veri
Punëtorët e komunës paralele në Mitrovicë të Veriut kanë protestuar edhe të martën para dyerve të objektit që tashmë është nën kontroll të autoriteteve të Kosovës.
Është dita e dytë që këta punëtorë kanë tentuar të kthehen në zyra, por nuk janë lejuar nga Policia e Kosovës.
Siç ka raportuar mediumi lokal “kosovo-online.com”, këta punëtorë kanë thënë se më nuk do të largohen nga hapësira. Ata kanë deklaruar se puna për ta është burim i jetesës dhe se situata është “shumë e vështirë për të mbijetuar”.
Më 30 gusht, Policia e Kosovës, nën dyshimin për lëshim të dokumenteve të falsifikuara, ka mbyllur 5 objekte të komunave paralele në katër komunat veriore. Të premten nga Policia e Kosovës u mbyllën zyra e Qarkut për Mitrovicë si dhe katër komunat paralele në Mitrovicë të Veriut, Zveçan, Zubin-Potok e Leposaviq, të gjithë në kuadër të sistemit të Serbisë.
Ky veprim është dënuar nga faktori ndërkombëtar, duke e quajtur operacionin si “të njëanshëm dhe të pakoordinuar”.
Më herët, janë mbyllur edhe zyra të tjera të komunave ilegale në qytete anembanë Kosovës.
Dëshiron ta dëgjosh këtë lajm me zë?