Përfundon seanca e 11 të akuzuarve për keqpërdorime të subvencioneve

 

Ka përfunduar seanca dëgjimore  ndaj 11 të arrestuarve në rastin “Subvencioni 2021”. Gjyqtari pritet t’ua dërgojë palëve vendimin, ku do caktohet ose jo masa e paraburgimit.

Behar Ejupi , avoktati i njërit prej të arrestuarve . Ai po ashtu para mediave tha se ka kundërshtuar një masë të tillë.

“Tani sapo ka përfunduar seanca e dëgjimore lidhur me kërkesën që ka ushtruar Prokuroria Themelore në Prishtinë për caktimin e paraburgimit edhe për klientin tim, Prokuroria pretendon se klienti im ka kryer dy vepra penale, dhënie e ryshfetit dhe keqpërdorim i pozitës zyrtare. Konsideron se ka prova të mjaftueshme, mbrojtja ka kundërshtuar këtë. Ndërsa kolegët tjerë po ashtu kanë kundërshtuar masën e paraburgimit. Tash Gjykata do të vendos”, tha ai.

Rreth 433 mijë e 160 euro, 600 dollar, 200 franga, 275 lira turke, 15 telefona, 8 vetura, një kompjuter, pesë armë, një USB dhe një vulë janë konfiskuar gjatë bastisjeve që kanë ndodhur nga Policia e Kosovës dhe Prokuroria Themelore në Prishtinë.

Dhjetë nga të arrestuarit gjatë ditës së mërkurë janë edhe zyrtarë institucional të cilët u arrestuan në disa lokacione të ndryshme./21Media