Përleshje në burg për shkak të një ndeshjeje futbolli, 16 të vdekur

16 të vdekur, pesë të plagosur

Në një përleshje që shpërtheu në një burg në veri të Meksikës, 16 të burgosur u vranë dhe pesë u plagosën, thanë zyrtarët.

Përleshja shpërtheu në orën 2:30 pasdite me kohën lokale në burgun e shtetit meksikan të Zacatecas, me media lokale që raportojnë se rasti pati të bënte me një ndeshje futbolli.

Ministria e Sigurisë Publike nuk komentoi mbi shkakun e përleshjes, por deklaroi në një deklaratë se situata e burgut tani është nën kontroll dhe se emrat e të vrarëve do të bëhen të ditur.

Pas një zënke, te njëri prej të dënuarve u gjet një armë. Në kërkime shtesë të policisë u gjetën edhe tri armë dhe lloje të ndryshme të thikave.

Qeveria filloi një hetim për të përcaktuar se kush ishte përgjegjës për nisjen e të shtënave, si dhe se si armët shkuan në burg.

Pas kësaj ngjarje, masat e sigurisë do të rriten në burgjet në të gjithë këtë shtet në veri të Meksikës. Burgjet meksikane janë skena e trazirave të shpeshta dhe dhuna që shpesh përfundojnë në fatalitete. Të paktën 28 të dënuar u vranë në një përleshje brutale që shpërtheu në vitin 2017 në një burg në Acapulco.