Pesë shqiptarë kapen duke punuar “pa letra” në Zvicër

Të martën në mëngjes disa burra u arrestuan gjatë një inspektimi në një kantier të madh ndërtimi.

Autoritetet zvicerane “zbarkuan” në kantierin e ndërtimit rreth orës 8:00.

Ata i kontrolluan të gjithë të pranishmit, ku gjashtë prej tyre (tre kosovarë, dy nga Shqipëria dhe një nga Bosnja e Hercegovina) nuk i patën lejet e punës.

Personat në fjalë u arrestuan nga policia kantonale e St.Gallenit.

Punëtorët që punon “në të zezën” nga mosha 25 deri në 52 vjeç, do të raportohen tek prokurori publik i kantonit St.Gallen.

Masat ndaj tyre do të shqyrtohen në përputhje me ligjin për të huajt, edhe nga zyra përgjegjëse e migracionit, shkruan faqja e kantonit St Gallen.

Po ashtu, u kontrolluan edhe katër shtetas bullgarë të cilët nuk ishin regjistruar siç duhet në procedurën e regjistrimit.

Punëdhënësit e tyre po ashtu raportohen në zyrën e prokurorit publik të kantonit St.Gallen.

Gjatë kontrollimit, ishin angazhuar disa punonjës të policisë së kantonit St.Gallen dhe një punonjës i Zyrës për Ekonomi dhe Punë të këtij kantoni.