Petkoviq: Propozimi i Prishtinës nuk çon drejt një zgjidhje kompromisi
Kryenegociatori i Serbisë, Petar Petkoviq pas takimit të sotëm në Bruksel tha se propozimi i Prishtinës nuk çon drejt një zgjidhje kompromisi.
“E kemi paraqitur propozimin tonë, Prishtina ka paraqitur propozimin e saj. Propozimi ynë është i balancuar, merr parasysh interesat e popullit serb në Kosovë dhe është bërë në marrëveshje me ekspertët tanë. Në anën tjetër, ju keni propozimin e Prishtinës, për të cilin nuk do të doja të flisja tani, mjafton të them se ana tjetër nuk bënë as përpjekjen më të vogël që ajo letër mund të quhet propozim, që shkon në drejtimin e një zgjidhje kompromisi”, tha Petkoviq.
Kryenegociatori serb tha se Beogradi do të vazhdojë bisedimet për të arritur një zgjidhje për këtë çështje, teksa paralajmëroi takimin e radhës për prill.
Dëshiron ta dëgjosh këtë lajm me zë?