Pezullohet rrënimi i objektit të “Abi Çarshia”
Vendim i Gjykatës Themelore
Gjykata Themelore në Prizren ka ndaluar Komunën e Prizrenit të bëjë rrënimin e objektit të “Abi Çarshia”.
Ky vendim u mor pak minuta para se të fillojnë rrënimet në pjesën në të cilën pretendohej që ishte pa leje ndërtimi.
Avokati i kompanisë “Abi Çarshia”, Betim Kadolli, i ka quajtur të ngutshme veprimet e inspektoratit. I njëjti ka kërkuar edhe dëmshpërblim, për çka sipas tij, dëmi është jashtëzakonisht i madh.
Investitori “Abi Çarshia” kishte vendosur kamionë për të bllokuar hyrjen e makinerive të Komunës./21Media