Polici kufitar aksidenton për vdekje një 12-vjeçar

Një aksident me pasojë vdekjen e një të mituri ka ndodhur sonte në Gjirokastër.
Ngjarja është regjistruar rreth orës 18:50, në aksin rural Valare-Gjirokastër, ku shtetasi Ertkon Dinaj, 24 vjeç (punonjës policie në DVKM Gjirokastër), banues në fshatin Valare, duke drejtuar automjetin e tij privat tip “Benz”, ka aksidentuar shtetasin E. I., 12 vjeç, këmbësor, i cili si pasojë ka ndërruar jetë.
Drejtuesi i automjetit është shoqëruar në ambientet e DVP Gjirokastër.
Menjëherë është ngritur grupi hetimor nën drejtimin e Prokurorisë pranë Gjykatës së Rrethit Gjyqësor Gjirokastër dhe me Oficerë të Policisë Gjyqësore të AMP-së, për hetimin e rrethanave të aksidentit me pasojë vdekjen e femijës./Oranews