Polonia dërgon tanke në Ukrainë

Polonia ka dërguar një numër shumë të madh tankesh në Ukrainë, njoftoi presidenti polak Andrzej Duda.
Gjatë Forumit Ekonomik Botëror në Davos, Duda tha se transferimi kishte reduktuar aftësitë mbrojtëse të Polonisë.
“Ne po llogarisim në mbështetjen e komunitetit, që është NATO, dhe po llogarisim në mbështetjen e SHBA-së dhe gjithashtu të Gjermanisë”, tha ai, përcjell rtv21.tv
Në prill, kryeministri polak Mateusz Morawiecki pranoi për herë të parë se Polonia kishte dërguar tanke në Ukrainë.
Nuk janë dhënë detaje, por raportet e mediave sugjerojnë se ata kanë furnizuar tanke T-72 të epokës sovjetike.
Presidenti Duda tha se ushtria polake tani po përdorte shumë tanke gjermane Leopard 2.
“Nëse aleatët tanë gjermanë do të na mbështesnin me një grumbull tankesh që do të zëvendësonin ato që i dhamë Ukrainës, do të ishim shumë mirënjohës. Ne kishim një premtim të tillë, dëgjojmë se Gjermania nuk është e gatshme ta përmbushë këtë premtim zhgënjim i madh për ne”, tha ai./21Media