​Premier Liga refuzon apelin e Liverpoolit, Jones mungon tri ndeshje

Mesfushori i Liverpoolit, Curtis Jones do t’i mungojë klubit për tri ndeshjet e ardhshme për shkak të kartonit të kuq në ndeshjen ndaj Tottenhamit.

Liverpooli e kishte apeluar kartonin e kuq të Jones, por që sot Premier Liga e ka refuzuar këtë apel.

Jones fillimisht u ndëshkua me karton të verdhë pas ndërhyrjes ndaj Yves Bissoumas në minutën e 26’ të ndeshjes mes Tottenhamit dhe Liverpoolit.

Sidoqoftë, pas intervenimit të VAR-it, kartoni i verdhë u anulua, dhe Jones u ndëshkua direkt me të kuq.

Jones nuk do të jetë i gatshëm për ndeshjet e Liverpoolit kundër Brightonit, Evertonit dhe Nottingham Forestit këtë muaj.

Gjithashtu, Diogo Jota është i suspenduar me vetëm një ndeshje pas largimit me të kuq nga loja për shkak të dy kartonëve të verdhë, dhe kështu mungon për ndeshjen ndaj Brightonit.