Prokuroria Speciale ngrit aktakuzë ndaj një pjesëtari të ISIS

Prokuroria Speciale e Republikës së Kosovës , ka ngritur aktakuzë në kundër një personi me iniciale H.S., për veprën penale ‘’Organizimi dhe pjesëmarrja në grup terrorist’’
Prokuroria Speciale njofton se i pandehuri H.S., me paramendim dhe me dashje si dhe me përgatitje paraprake së bashku me bashkëshorten e tij dhe vajzën e mitur ka lëshuar territorin e Republikës së Kosovës përmes Aeroportit Ndërkombëtar “Adem Jashari” në Prishtinë, ka udhëtuar për në Stamboll – Turqi.
“Përmes lidhjeve të caktuara ka depërtuar në Siri me qëllim që t’i bashkëngjitet Organizatës terroriste ‘’ISIS’’ e cila në këto vende ka qenë duke luftuar ku edhe është angazhuar si pjesëtarë i ‘’ISIS-it’’, si administrator në Byronë e ushtarëve të plagosur nën administrimin e ‘’ISIS-it’’, është financuar nga ‘’ISIS’’ me shumën e të hollave prej nga 100 dollar në muaj duke bashkëpunuar edhe me epror dhe luftëtarë të ‘’ISIS-it’’.”, thuhet në njoftim.
Sipas komunikatës,me këto veprime i pandehuri ka kryer veprën penale ‘’Organizimi dhe pjesëmarrja në grup terrorist’’ nga neni 143 paragrafi 2 të KPRK-së./21Media