Protestojnë bujqit, paralajmërojnë bllokim të rrugëve
Ata kërkojnë që të takohen me ministrin e financave
Bujqit e pakënaqur sot dolën në protesta para Ministrisë së Bujqësisë në Maqedoni në shenjë revolte për mos pagesën e subvencioneve.
Sipas paralajmërimeve ata do të bllokojnë disa akse rrugore në vend. Nuk heqin dorë nga kërkesa që të takohen me ministrin e financave Kirill Minovski nga ku kërkojnë përgjigje pse nuk lëshohen të hollat.
“Kanë skaduar të gjitha afatet. Bujqit e kanë humbur durimin sepse sezoni ka filluar dhe toka pjellore nuk mund të punohet”, tha më parë Zoran Borisov nga shoqata e prodhuesve të orizit./21Media