Lunaçek: Të përdoret energjia pozitive e Ballkanit Perëndimor
Sipas saj retorika nacionaliste nuk zgjedh problemet
Nënkryetarja e Parlamentit Evropian, Ulrike Lunaçek deklaroi se BE-ja këshillon që sa më mirë duhet të shfrytëzohet energjia pozitive, e pranishme në Ballkanin Perëndimor, pasi në disa vende të këtij rajoni janë vërejtur ndryshime drejt sjelljes autoritare, e cila rrezikon përparimin e demokracisë.
Ajo në një tekst të publikuar, ka thënë se retorika nacionaliste “nuk zgjedh problemet, nuk krijon punë, nuk forcon ekonominë, nuk ndërton institucionet dhe funksionalitetin e shtetit”, por hap rrugën për konflikte.