PSD me aksion te MPJ-ja: Prokuroria me gjasë ka ngritur kallëzim penal kundër Martin Berishajt

Aktivistët e PSD-së po zhvillojnë një aksion pranë objektit të Ministrisë së Punëve të Jashtme.
Aty i kanë ulur flamujt e Kosovës dhe të Bashkimit Evropian, duke i zëvendësuar me disa flamuj në formën e kartmonedhave, me portretin e ambasadorit të Kosovës në Kroaci, Martin Berishaj, i cili është implikuar në një skandal financiar.
Nol Nushi, anëtar i Kryesisë së PSD-së tha se kanë informacione se Prokuroria tashmë ka ngritur kallëzim penal ndaj Berishajt.
“Prokuroria në Kosovë me shumë gjasë tash ka ngritur kallëzim penal. Ende nuk është zyrtare, por burimet e ndryshme e konfirmojnë këtë. Z. Berishaj hetohet për pastrim parash, për shmangie të tatimit dhe fshehje të biznesit”, tha Nushi.
Të befasishme dhe të kuptueshme e cilëson ai mbrojtjen që krerët e shtetit po ia bëjnë ambasadorit Berishaj.