Pse mund të jetë më mirë të flini në shtretër të veçantë?
Një në tre persona thotë se flejnë më mirë vetëm. Nga gërhitja tek preferencat e temperaturës, mund të ketë shumë arsye që çiftet gjithnjë e më shumë vendosin të thyejnë normën e vjetëruar të gjumit së bashku. Dhe për shumë prej tyre, ‘divorci’ i gjumit nuk është aspak një shenjë e problemeve në marrëdhënie, por një mënyrë për ta përmirësuar atë.
Bright Side tregon se cilat përfitime të mundshme mund të keni nëse zgjidhni të flini në shtretër të veçantë.
1. Mund të bëni një gjumë më të mirë
Zgjedhja e hapësirave të veçanta të gjumit mund t’ju ndihmojë të bëni një gjumë më të thellë dhe më të mirë. Sipas një sondazhi, më shumë se 25% e çifteve zgjedhin shtretër të veçantë, madje disa preferojnë të flenë në dhoma të ndryshme. Sondazhi zbuloi gjithashtu se gratë janë më të ndjeshme ndaj çrregullimeve të gjumit.
2. Mund të përfitojë marrëdhëniet tuaja si çift
Gjumi i mjaftueshëm është absolutisht thelbësor për mirëqenien tonë të përgjithshme dhe në planin afatgjatë mund të ndikojë gjithashtu në marrëdhëniet tona. Psikologët besojnë se nëse partnerët zgjojnë vazhdimisht njëri-tjetrin, ka një tension që fillon të krijohet me kalimin e kohës dhe përfundimisht mund të çojë në probleme në marrëdhëniet tuaja. Gjumi në shtretër të veçantë mund t’ju ndihmojë të flini shumë më mirë dhe mund të parandalojë shumë çështje të marrëdhënieve.
3. Mund të jetë më mirë për shëndetin tuaj
Nëse ndani një shtrat me dikë tjetër, ka më shumë mundësi që gjumi juaj të ndrëprehet. Mungesa e vazhdueshme e gjumit mund të çojë në disa komplikime mjaft serioze shëndetësore, duke përfshirë presionin e lartë të gjakut, diabetin dhe madje edhe dështimin e zemrës.
4. Lëkura juaj do t’ju falënderojë për të
Fjetja vetëm mund të transformojë absolutisht pushimin tuaj të bukurisë, por nëse nuk jeni ende gati për të fjetur në një shtrat të veçantë, mund të dëshironi të provoni të flini në një shtrat me dy jorganë individualë. Kjo do t’ju lejojë të bëni gjumë më të mirë gjatë natës, gjë që nga ana tjetër mund të përfitojë lëkurën tuaj. Për shkak se lëkura juaj prodhon kolagjen të ri ndërsa jeni duke fjetur, marrja e mjaftueshme e gjumit mund ta ndihmojë lëkurën tuaj të qëndrojë e shëndoshë dhe rrezatuese për më gjatë./21Media