Qeveria miraton projektligjin e marrëveshjes për burgjet me Danimarkën
Qeveria e Republikës së Kosovës ka miratuar Projektligjin për Ratifikimin e Traktatit ndërmjet Republikës së Kosovës dhe Mbretërisë së Danimarkës, për shfrytëzimin e Institucionit Korrektues në Gjilan me qëllim të ekzekutimit të dënimeve daneze. Ky vendim është marrë sot në mbledhjen elektronike të Qeverisë.
“Çështja kryesore e trajtuar në këtë projektligj është ratifikimi i Traktatit ndërmjet Republikës së Kosovës dhe Mbretërisë së Danimarkës për shfrytëzimin e Institucionit Korrektues në Gjilan me qëllim të ekzekutimit të dënimeve daneze, të nënshkruar nga Ministrat e Drejtësisë të të dy vendeve, më 26 prill 2022 në Prishtinë dhe 16 maj 2022 në Kopenhagë të Danimarkës.”, thuhet në njoftimin e Qeverisë./21Media
Dëshiron ta dëgjosh këtë lajm me zë?