Qeveria planifikon reformën e sistemit pensional

Kryeminstri i Kosovës, Albin Kurti ka thënë se këtë vit është planifikuar fillimi i reformës të sistemit pensional, që të sigurohet sistemi i drejtë dhe pension të dinjitetshëm për secilin pensionist që ka dhënë kontribut.

Kurti gjithashtu ka bërë të ditur se pensioni bazik, pensioni familjar dhe ai invalidor i punës janë rritur për 11%, kurse pensioni i aftësisë së kufizuar për 33%.

“E dimë që jemi larg mirëqenies por duam që me rritjen aktuale ekonomike të ndihmojmë shtresat sociale që kanë më së shumti nevojë. Këtë vit planifikojmë të fillojmë edhe reformën e sistemit pensional, që të sigurojmë sistem të drejtë dhe pension të dinjitetshëm për secilin pensionist që ka dhënë kontribut për vendin tonë”, ka shkruar Kurti në Facebook.