Radhë të gjata në kufirin rus

Imazhet e reja satelitore duket se tregojnë një numër të madh automjetesh që largohen nga Rusia në përpjekje për të kaluar kufirin në Gjeorgji dhe Mongoli, pas urdhrit të presidentit rus Vladimir Putin për të mobilizuar qindra mijëra rezervistë për luftën në Ukrainë.
Në një moment të dielën, pati një pritje prej 48 orësh për të hyrë në Gjeorgji, me më shumë se 3,000 automjete në radhë për të kaluar kufirin, njoftoi media shtetërore ruse, transmeton rtv21.tv.
Kryeqyteti i Gjeorgjisë Tbilisi ka pranuar një fluks prej rreth 40,000 rusë që kur Moska pushtoi Ukrainën më 24 shkurt, sipas statistikave të qeverisë.
Kremlini tha dje se nuk ishte marrë asnjë vendim nëse do të mbylleshin kufijtë e Rusisë për të ndaluar burrat e moshës ushtarake që të largoheshin nga vendi./21Media