Rama dënon sulmin e Rusisë ndaj Ukrainës
Kryeministri i Shqipërisë, Edi Rama sot ka reaguar për sulmin e Rusisë ndaj Ukrainës. Ai ka shkruar se bashkohen me NATO-n dhe aleatët e BE-së në dënimin e ashpër të agresionit të Rusisë.
We join our @NATO and #EU allies in the firm condemnation of Russia’s agression. Our thoughts are with the Ukrainian people.
— Edi Rama (@ediramaal) February 24, 2022
Presidentja e Komisionit Evropian, Ursula von der Leyen, duke folur në Bruksel, ka dënuar Vladimir Putinin për “kthimin e luftës në Evropë”. Ajo ka njoftuar se një paketë sanksionesh “masive” do të propozohet më vonë në një përpjekje për të dobësuar bazën ekonomike të Rusisë dhe “kapacitetin e saj për t’u modernizuar”.
Vladimir Putin ka njoftuar operacionin ushtarak në Ukrainë në orën 5:55 të mëngjesit me orën e Moskës – dhe minuta më vonë, sipas raporteve, janë lëshuar granatimet dhe raketat e para në Ukrainë.
Shtatë persona raportohet se kanë vdekur nga bombardimet nga forcat ruse./21Media
Dëshiron ta dëgjosh këtë lajm me zë?