Rama: Kurrë s’e kam mbështetur ndryshimin e kufijve mes Kosovës dhe Serbisë
Kryeministri i Shqipërisë, Edi Rama ka bërë një reagim për median austriake “Der Standard” në lidhje me hartën për kufirin mes Serbisë dhe Kosovës.
Rama përmes një postimi në Twitter ka thënë se, asnjëherë nuk e ka mbështetur ndryshimet përgjatë kufirit Serbi dhe Kosovë, ndaj e cilëson si “turp” faktin që një media prestigjioze shpërndan lajme të rreme.
“Cfarë zhgënjimi që shoh një gazetë me reputacion kaq të lartë të sillet si një shpërndarës i lajmeve të rreme! Unë kurrë nuk kam thënë ndonjë gjë në lidhje me “jo letër dhe hartë” dhe kurrë nuk kam mbështetur ndonjë ndryshim kufiri përgjatë vijave etnike midis SRB & KOS! # E turpshme”, ka shkruar Rama në Twitter.
.@derStandardat @webstandardat what a disappointement to see such a highly reputated paper behave like a fake news spreader! I have never said any of it about “non paper&map” and I have never ever endorsed any border drawing along ethnic lines between SRB&KOS! #Embarrassing
— Edi Rama (@ediramaal) May 3, 2021
Në shkrimin e datës 27 prill të gazetsë austriake shkruante se “Kryeministri shqiptar Edi Rama i tha mediave në Shqipëri se ai e kishte parë non-paper dhe hartën me ndryshimet e propozuara të kufirit. Vetë Rama, së bashku me Vuçiç dhe lobistë, miratuan vizatimin e kufijve përgjatë vijave etnike midis Kosovës dhe Serbisë tre vjet më parë”./21Media